सुर्खेत । सोसाइटी अफ एक्स स्टुडेन्ट अफ एस.ओ.एस हर्मन माइनर स्कुल, सुर्खेत (SESHS) ले आयोजना गरेको “करियर काउन्सिलिङ कार्यक्रम” सफलतापूर्वक सम्पन्न गरेको छ ।

आज बिहान विद्यालयको सभाहलमा भएको उक्त कार्यक्रमको अध्यक्षता संस्थाका अध्यक्ष ई. प्रविन भुसालले गरेका थिए भने प्रमुख अतिथि वीरेन्द्रनगर नगरपालिका वडा नं. ०४ का अध्यक्ष शेर बहादुर के.सी. थिए र विद्यालय प्राचार्य, सह-प्राचार्य, शिक्षक, कर्मचारी, विद्यार्थी तथा पूर्व विद्यार्थीहरुको उपस्थिति रहेको थियो ।

विभिन्न क्षेत्रमा कार्यरत विद्यालयका पूर्व विद्यार्थीहरु चिकित्सक डा. सरोज गिरि, उप-प्राध्यापक एवं युवा उद्यमी गोविन्द के.सी., नेपाली सेनाका सेनानी श्याम थापा, निजामती कर्मचारी दिव्यराज खड्का वक्ता/काउन्सिलरको रुपमा प्रस्तुत भएका थिए ।

कार्यक्रमको उद्देश्य विद्यार्थीहरुले दैनिक जिवनमा भोगिरहेका समस्या, भविष्यमा लिने निर्णय, समस्याको समाधान, कसरी आफूलाई सहि बाटोमा लगेर भविष्य सहज र सुन्दर बनाउन सकिन्छ, कसरी आफ्नो उद्देश्य प्राप्तिका लागि सहि निर्णय लिन सकिन्छ लगायत विभिन्न विषयमा छलफल तथा अन्तरक्रिया भएको कार्यक्रम सञ्चालक एवं संस्थाका सचिव शिवराज शर्माले वताए ।